周星馳電影《西遊記第壹佰零壹回之月光寶盒》向來系大家心中嘅經典電影。最近，一條名為“寧夏一景區紫霞仙子濃度太高”影片在微博瘋傳。片中只見一堆女遊客打扮成電影中嘅“紫霞仙子”（朱茵飾演），但線民都笑指“衫可以抄，朱茵顏值就唔得了~”

寧夏海量紫霞仙子出沒注意

近日，內地網上廣泛流傳一條名為“寧夏一景區紫霞仙子濃度太高”影片，更一度登上微博熱搜。影片拍攝地點正是《西遊記第壹佰零壹回之月光寶盒》（下稱《大話西遊》）嘅取景地點：寧夏銀川市鎮北堡西部影城。片中可見，黃沙滾滾嘅古城內，有大批女遊客穿上紫霞仙子嘅紅白色服裝，手拿經典紫青寶劍，又帶著有鈴鐺手鏈，頭頂亦以紅絲帶綁起高髻，一班打扮一樣嘅女生正威風“出巡”。

《西遊記》取景地吸引女遊客“扮紫霞”打卡

綜合內媒報導，位於銀川市嘅鎮北堡西部影城系中國十大影視基地之一，屬國家5A級景區。影城充滿古樸、原始、民間化特色，主要景點有明城、清城、老銀川一條街等多處景觀組成。除咗《大話西遊》，內地一半以上嘅西部題材電影都會喺度取景拍攝。

國慶假期間，就吸引咗大量遊客到鎮北堡西部影城cosplay紫霞仙子。當地職員表示，好多遊客睇准區內有《大話西遊》取景地，前往該區扮成紫霞仙子打卡。

紫霞仙子服裝租借店

而區內更設有租借紫霞仙子服裝店鋪，讓遊客有齊“裝備”。職員指，雖然國慶假特別多人，但平日仍然有唔少女遊客到場扮仙子。職員又提醒最近天氣轉凉，如果只穿紫霞仙子套裝就會唔够保暖，所以叫大家最好中午先去。

內地線民熱議：至尊寶被嚇跑了

對此，有內地線民留言問：“這麽多紫霞仙子不尷尬嗎？不是說撞衫很尷尬嗎？”，又形容情景為“三步一個紫霞”。

亦有線民指可以理解，認為畢女生扮紫霞唔會太難看，但男生要穿成至尊寶就好易變乞丐。

講起至尊寶，有線民笑言：“人家至尊寶說愛你一萬年，不是愛你一萬個”，又笑指至尊寶都被嚇跑了。

朱茵顏值無法被複製

其他線民話一個（朱茵）穿起紫霞服裝就系主角，一群人穿立即變侍衛，又講笑話當地影城變成了“紫霞批發市場”。而不少線民都認為角色服裝可以模仿，但朱茵嘅顏值就無法被複製。