講到舊時嘅港劇，

次次出產唔少金句

有啲仲變埋表情包

日常對話真系好使好用噶！

例如——

《男親女愛》

最近廣州大熱嘅“安琪兒”

唔知道系唔系黃子華fans？

《巾幗梟雄之義海豪情》

6字真言

仲喺網上hit足咁多年嘅

“柴九”嘅對家“梁非凡”

呢個角色亦成為麥長青代表作之一，

加上B站上大家對“非凡哥”

嘅鬼畜視頻都超捧場。

連帶麥包自己，

都成為B站嘅紅人之一~

出名好戲嘅麥包，

呢幾年好少喺“公仔箱”見到佢，

事關佢2019年離巢TVB。

而且麥包近年開始慢慢咁

將工作重心轉移到內地市場。

前排麥包就喺社交平臺上透露，

自己已經喺廣州長住！

除咗繼續做演員之外，

麥包仲踩過界，

做埋新晋嘅“美食KOL”：

喺網上分享佢嘅探店日常，

因為畫風貼地氣，

唔少網友都好buy佢！

麥包喺廣州探店嘅身影

仲不時畀網友“野生捕獲”

前幾日，

麥包畀網友發現喺天河出沒，

今次唔系拍劇，

亦都唔系美食探店。

而系著曬成身防護服，

喺石牌某社區做志願者！！

（點擊去片！）

雖然麥包只系幫街坊做指引

佢都同其他醫護人員一樣，

戴曬面罩、手套，

防護功夫做到足！

呢幾日間唔鐘會落大雨

天氣仲好焗下，

成副武裝嘅麥包，

畀記者影到佢出曬大汗！

同好多志願者一樣

佢會引導街坊逐個掃健康碼，

撞到唔系好識用手機嘅婆婆，

佢仲會一步步咁教佢點操作。

對於網上咁多人關注佢做志願者

麥包就表示：

“醫護人員同義工真系好辛苦，

我自己都系啱開始幫手~”

其實從疫情一開始

麥包就已經好關注。

佢之前就喺網上Po咗唔少

幫廣州街坊打氣嘅視頻：

從拍片到加入義工隊伍，

全部都勁走心啊！

唔少網友都爭住留言：

話要畀個like佢！

前面都有同大家講到，

舊年進駐B站嘅麥包人氣勁高

咪以為佢只系貪得意啊，

麥包自從做咗B站嘅up主之後，

唔單止同班網友玩梗、

分享咁多年嚟嘅拍劇趣事。

做美食KOL好敬業，

去到邊食到邊！

睇翻佢上個月嘅視頻，

仲有劉玉翠出沒啵！

Color再去深挖下

先知道“建寧公主”劉玉翠，

原來都喺廣州置業啦，

連新冠疫苗都喺廣州打埋添！

同麥包一樣，

劉玉翠都有喺社交平臺

分享自己喺內地嘅生活日常，

開心share各式老火靚湯嘅做法~

講到“非凡哥”

又點少得“柴九哥”啊？

香港嘅樓價高、節奏快，

唔少藝人都未必頂得順，

所以黎耀祥都好醒目咁，

喺中山買咗間別墅長住！

近年少咗拍劇嘅祥仔，

喺中山嘅新生活相當舒服：

得閒就歎茶、晨運、跳舞，

簡直系大家理想嘅退休生活啦！

以前成日話喺香港

撞到藝員易過食生菜

而家越嚟越多嘅香港藝人，

選擇喺內地長住，

一嚟系樓價冇咁高啦，

二嚟系發圍嘅機會

可能更加多咗。

好似陳國邦

郭少芸

黃一山

“娘娘”蔡少芬

家下喺廣州想偶遇藝員？

一樣好多機會噶！

等之後恢復翻堂食，

大家出街就可以多啲留意下周圍啦~

至於而家了喔，

各位廣州嘅街坊都系要忍下先。

見悶就睇下“非凡哥”嘅劇，

睇下仲有咩好使好用嘅表情包

可以同COLOR開心share啦！

資料來源：微博、豆瓣

藝人社交平臺、視頻截圖

互聯網綜合整理

編輯：彭琳

*文中圖片版權歸原作者所有，如有問題，請與原作者聯系